CAIER жас ғалымдардың бірінші форумын қолдады  

Қазақстанның түкпір-түкпірінен 100-ден астам жоғары сынып оқушысы 25-26 ақпанда «Shoqan Ecology» бірінші республикалық экологиялық форумында ғылыми жұмыстарын ұсынды.

Жас ғалымдардың ғылыми форумын Caier (Орталық Азия экологиялық зерттеулер институты) қолдауымен Шоқан Уәлиханов атындағы жеке мектеп ұйымдастырды.

Байқау қазылар алқасының құрамына экология, биология, мұнай-химия, тау-кен, химия өнеркәсібі, металлургия және қалдықтарды қайта өңдеу саласындағы жетекші қазақстандық ғалымдар кірді.

«Экологиялық проблемалар Қазақстан үшін ғана емес, бүкіл әлем үшін аса маңызды қауіптердің біріне айналды. Жануарлардың ерекше түрлерінің жойылуы, ауа мен судың ластануы, климаттың өзгеруі адамзат өміріне басты қауіп болып табылады. Өткен жылы жаһандық «Экологиялық қарыз күні» (адамзат болашақ ұрпақ қарызында өмір сүре бастайтын күн) 29 шілдеде келді; яғни адамзат табиғи «жыл бюджетін» пайдаланғанына жеті ай толды,  ал қалған бес айда біз қарызбен өмір сүреміз. Сондықтан мектепте қоршаған әлемге жауапкершілікпен және ұқыптылықпен қарауды қалыптастыру және экологиялық ағартумен айналысу өте маңызды. «Shoqan Ecology» форумы - оқушылар үшін өздерінің экологиялық санасын көрсетуге, зерттеу жұмыстарын ұсынуға және жетекші ғалымдардың ұсыныстарын алуға мүмкіндік», - деп есептейді Әсел Тасмағамбетова, эколог және Шоқан Уәлиханов атындағы мектептің негізін қалаушы.

Форумның негізгі мақсаты оқушылар арасында ғылыми-зерттеу қызметін қалыптастыру, зерттеу дағдыларын дамыту, зияткерлік және шығармашылық әлеуетті ынталандыру, оқушылардың білім мен ғылымға қызығушылығын арттыру, жас таланттарды анықтау болып табылады.

Сараптамалық қазылар алқасының тексерісіне 68 жұмыс ұсынылды, олардың авторлары Астана, Алматы, Ақтау, Жетісу облысы, Көкшетау, Қарағанды, Қызылорда, Тараз, Шымкент, Петропавл және Түркістан мектептері болды.

Ғылыми іс-шара аясында жаратылыстану-ғылыми бағыттар (химия, биология, физика, экология) бойынша экологиялық міндеттерді шешуге бағытталған теориялық, эксперименттік және қолданбалы сипаттағы баяндамалар тыңдалды.

Жас ғалымдардың ғылыми жұмыстары «Ауаның, топырақтың және судың ластануы/сапасы», «Тұрғындардың денсаулығы», «Қалдықтарды басқару» секциялары бойынша бөлінген болатын.

Байқау қорытындысы бойынша сарапшы қазылар алқасы ақшалай сыйлықтарға ие болған жас ғалымдардың 22 үздік жұмысын таңдады.

Жалпы жүлде қоры 3 млн теңгені құрады.

Форумға қатысушылар үшін CAIER-ге экскурсия ұйымдастырылды, оның барысында Әсел Тасмағамбетова жас ғалымдарды Каспий итбалығын зерттеу және оңалту орталығында ерікті болуға, сондай-ақ Институттың ғылыми-зерттеу жұмыстарына қатысуға шақырды.  

               «Schoqan Ecology» форумының жүлдегерлері: