Ш.Уәлиханов атындағы мектеп – өрттен қорғау мен дабыл қағу жүйесіне қол жеткізуді қадағалайтын бақылау жүйесі орнатылған қауіпсіз аймақ. Олар өзара біріктірілген, сондықтан бір жүйедегі қандай да бір әрекет екіншісін іске қосады. Апат жағдайында дабыл қағу жүйесі әп-сәтте іске қосылады. Мектеп үнемі күзет агенттігінің бақылауында – мектептің іші мен сыртында жүзден аса камера орнатылған, қауіпсіздік жүйесі 24/7 жұмыс істеп тұрады.

Мектебімізде балаларға берілетін тамақтың сапасына ерекше көңіл бөлінеді. Мектептің барлық санитарлық-эпидемиологиялық нормаларға сай келетін тамақтану блогы бар. Аспаздарымыз асты тек экологиялық жағынан таза, балаға керек қоректік заттар мен дәрумендерге бай азық-түліктен әзірлейді. Біз азық-түлікті күнделікті сатып аламыз, сапаны үнемі бақылаймыз.

Мектебімізде балалардың физикалық және психикалық саулығына баса мән беріледі. Біздегі толық функционал бойынша, санитарлық-эпидемиологиялық талаптардың бәрін ескере отырып жабдықталған медицина кабинетінде әр оқушы дәрігердің не медбикенің көмегіне жүгіне алады. Маусымға сай екпе салу және суық тию мен инфекциялық аурулардың алдын алу жұмысы жүргізіледі. Оқушы керек жағдайда психологтан кеңес алып, логопедтің көмегіне жүгіне алады.

Мектептегі аудиториялар оқушылардың барынша тиімді жұмыс істеуі үшін техниканың соңғы жетістіктеріне сай жабдықталған. Парталар сапалы материалдардан жасалған, барынша ыңғайлы болуы үшін биіктігін өзгертуге болады, бұл оқушылардың жұмысқа қабілеті мен үлгеріміне оң ықпалын тигізеді. Оқу процесінде жайлылық ахуалын қалыптастыру үшін мектептің заманға сай ішкі жабдықталуында оқуға, еркін уақыт өткізуге және шығармашылыққа арналған аумақтар қарастырылған.